Allstate: Si hyri Mayhem në luftën e reklamave të siguracioneve të makinave
Në pranverën e vitit 1950, vajza adoleshente e drejtorit të shitjeve të Allstate, Davis Ells u sëmur
me hepatit pak para mbarimit të gjimnazit. Një mbrëmje ai arriti në shtëpi në të njëjtën kohë me
bashkëshorten e cila po kthehej nga spitali ku ishte shtruar vajza. “Në spital më thanë të mos
shqetësohemi… jemi në duar të sigurta me mjekun” i tha ajo. Gjatë këtij viti Ells u bë pjesë e një ekipi i
cili duhet të zhvillonte fushatën e parë reklamuese kombëtare për kompaninë e sigurimeve Allstate.
Ndërsa diskutonte me ekipin e tij për mesazhin që kjo fushatë do të përcillte, Ells-it ju kujtuan fjalët e
gruas së tij “jemi në duar të sigurta” dhe sa mirë e kishin bërë ato që të ndjehej. Kjo frazë komunikonte
siguri, qetësi dhe përgjegjësi, tipare këto që ekipi synonte që klientët t’ia asocionin kompanisë. Kështu
lindi slogani “Me Allstate jeni në duar të sigurta”.
Një studim i viteve 2000 i Universitetit të Northwestern zbuloi që slogani i Allstate ishte më i
njohuri në SHBA. Allstate mbajti pozicionin si siguruesi i dytë më i madh i linjave personale pas State
Farm. Allstate mori në punë një aktor, David Haysbert si imazh të markës. Ai bëri një dyzinë me
reklama për kompaninë, ku secila mbyllej me pyetjen “A jeni në duar të sigurta?” dhe shumë shpejt zëri
i tij u bë shumë familjar dhe qetësues për teleshikuesit. Sot slogani “Në duar të sigurta” është slogani më
i vjetër që ka mbijetuar nga një fushatë e paguar.
Një ri-organizim i reklamave
Edhe pse reklamat e Allstate ishin mjaft efektive për dekada, kompania u fut në një monotoni
ashtu si gjithë pjesa tjetër e industrisë. Kompanitë e mëdha të sigurimit të automjeteve po shpenzonin në
mënyrë modeste për fushata reklamimi jo interesante duke transmetuar mesazhe të ndjera ose siguruese
